La aranĝo jam finiĝis, nun vi povas legi kaj aŭdi pri ĝi.
Dankon al la 52 partoprenintoj el 15 landoj kaj pro la 34 prelegoj, nun elŝuteblaj!
Julio 2011: Prelegkolekto (323 paĝoj) nun haveblas! Vidu en Elŝutejo.
KAEST 2010 okazis 18/21-nov-2010
Kio estas KAEST? Mallongigo de "Konferenco pri Aplikoj de Esperanto en Scienco kaj Tekniko"
La aranĝon gastigis malgranda slovaka urbeto Modra-Harmónia, nur 30 km de la ĉefurbo Bratislava kaj 90 km de Vieno (la loko de SES 2008 kaj 2009 por tiuj, kiuj partoprenis).
Ĉeftemo de KAEST 2010: „Modernaj teknologioj por Esperanto“
La programo konsistis el kelkaj partoj:
- prelegoj (en du paralelaj blokoj – ĉeftemaj kaj alitemaj)
- trejnado (Vikipedio, komputila laboro, metiejoj ks.)
- fakaj diskutoj (pri certa temo)
- vespera (neformala) programo (Vingustumado, filmo-prezento, diskutoj, ks.)
- eblaj ekskursoj (laŭ interkonsento kaj mendoj)
E@I-teamo invitis vin ĉiujn – ĉu aliĝi kaj prelegi aŭ simple aliĝi kaj ĉeesti en KAEST 2010. Por ke la faka vivo en Esperanto evoluu!
Kaj kion signifas partopreni en KAEST? Simple ĝui prelegojn, prezentojn, diskuti pri scienco kaj tekniko, praktike ekzerci, utiligi novakiritajn sciojn.
Novaĵoj:
Per kio estis ĉi tiu KAEST alia de tiuj antaŭaj, okazintaj en Ĉeĥio?
- pli longa (KAEST okazis jam ekde ĵaŭda posttagmezo ĝis dimanĉa tagmezo, do 1 tagon pli)
- pli da praktika scienco (atendis vin trejnado, povante provi/testi/malkovri mem certajn aferojn)
- vingustumado (por la interkona vespero, por pli bone konatiĝi kaj amikiĝi)
- eblo de ekskursoj (dum vendreda antaŭtagmezo/ kaj dimanĉa posttagmezo)
- por fakaj sekcioj/grupoj propono fak-kunsidi antaŭ/post KAEST!